საქართველოს მშვილდოსნობის ეროვნული ფედერაცია სიამაყით აცხადებს, რომ ჩვენს ნიჭიერ მშვილდოსანს, დავით ბასილიძეს (პირადი მწვრთნელი გურამ ბასილაძე), ოფიციალურად მიენიჭა დაკარის (სენეგალი) 2026 წლის ახალგაზრდული ოლიმპიური თამაშების საგზური!

ეს არის მნიშვნელოვანი მომენტი ქართული მშვილდოსნობისთვის —  ჩვენს ფედერაციას ახალგაზრდულ ოლიმპიადაზე წარმომადგენელი ეყოლება. 

ფედერაციის პრეზიდენტის კომენტარი : შესანიშნავია!

ლიცენზიის მოპოვება ფედერაციის ერთიანი კოლექტივის მიზანმიმართული საქმიანობის ლოგიკური შედეგია! ყველას გილოცავთ და მადლობას მოგახსენებთ!

ფედერაციის გენერალური მდივნის კომენტარი : „დავითის ლიცენზია არის დასტური იმისა, რომ ჩვენი 7-წლიანი სტრატეგიული გეგმა სწორ მიმართულებაზეა ორიენტირებული. ეს არის დიდი მოტივაცია ყველა ახალგაზრდა მშვილდოსნისთვის და მათი მწვრთნელებისთვის. ჩვენ ყველანაირად შევუწყობთ ხელს დავითს, რათა მან ოლიმპიადაზე მაქსიმალურად კარგად წარმოაჩინოს თავისი შესაძლებლობები და საქართველოს სახელი.“