თბილისი, 18 აპრილი, 2026 წელი

მიმდინარე წლის 18 აპრილს გაიმართა საქართველოს მშვილდოსნობის ეროვნული ფედერაციის გამგეობის გაფართოებული სხდომა, რომელსაც ფედერაციის პრეზიდენტი, სიმონ ნოზაძე უძღვებოდა. სხდომაზე დღის წესრიგით (იხილეთ დანართი) გათვალისწინებული რამდენიმე კრიტიკულად მნიშვნელოვანი საკითხი განიხილეს:

1. განვითარების სტრატეგიის (2025-2032) რეალიზაციის მიმდინარეობა

 გენერალურმა მდივანმა, ბესიკ ობოლაძემ გამგეობას მიაწოდა დეტალური ინფორმაცია მ.წ 1 მარტის საარჩევნო ყრილობაზე დამტკიცებული 7-წლიანი სტრატეგიის იმპლემენტაციის შესახებ. ხაზი გაესვა სტრატეგიული მიზნების ეტაპობრივი შესრულების აუცილებლობას და დაფინანსების პრობლემებიდან გამომდინარე მისი შესრულების რისკებს 

2. ციფრული მართვის პლატფორმის პრეზენტაცია და ნაკრების შერჩევის პროცესი

 სტრატეგიის პირველი მიზნის — „მმართველობის სისტემის მოდერნიზაცია და კარგი მმართველობა“ — ფარგლებში, ფედერაციის გენერალურმა მდივანმა (ბესიკ ობოლაძე) წარადგინა ახალი ციფრული პლატფორმა და ამ ციფრულ პლატფორმაზე მეცნიერულად დასაბუთებული ანალიტიკა. (პროექტის ავტორები: ბ. ობოლაძე, ა.სანიშვილი, ნ.კაპანაძე, ს.გორგოძე აღნიშნული სისტემა უზრუნველყოფს სპორტსმენთა შედეგების, რეიტინგებისა და ფინანსური ანგარიშგების ერთიან ბაზას. ამ ბაზაზე წამყვანი საერთაშორისო გამოცდილებით შეიქმნა მეცნიერულად  დასაბუთებული ანალიტიკა.

• მთავარი მწვრთნელის პოზიცია: ნაკრების მთავარმა მწვრთნელმა მაღალი შეფასება მისცა პლატფორმის ტექნიკურ მხარეს, თუმცა აღნიშნა, რომ ამ ეტაპზე ნაკრების მომზადებისა და შერჩევის პროცესში მისი დაუყოვნებლივ დანერგვის წინაპირობები არ არსებობს.
• პრეზიდენტის რეკომენდაცია: .პრეზიდენტმა მთავარ მწვრთნელს უთხრა, რომ მას აქვს პრიორიტეტი ნაკრების დაკომპლექტების საკითხში. აღნიშნა, რომ ,,ციფრული პლატფორმა სოლიდური სამეცნიერო ნამუშევარია, სადაც გაანალიზებულია ნაკრების წევრების ასპარეზობის შედეგები 2023-2026 წლებში, რომელიც თვალსაჩინოებისთვის წარმოდგენილია გრაფიკული სახით".  პრეზიდენტმა მთავარ მწვრთნელს შესთავაზა ,,გაეცნოს წარმოდგენილ ციფრულ პლატფორმას და თვითონ გადაწყვიტოს გამოიყენებს თუ  არა პრაქტიკულ საქმიანობაში. ამასთანავე, რეკომენდაცია მისცა, ,,ციფრული პლატფორმის რეალიზაციის ფარგლებში აქტიურად ითანამშრომლოს ორმა მეცნიერმა — გენერალურმა მდივანმა (ბესიკ ობოლაძე) და მთავარმა მწვრთნელმა. (ჰიუნგსეუნგ ანი)".
•  შესაბამისად, ამ ეტაპზე არ მოხდება ციფრული პლატფორმის ანალიტიკური მონაცემების (2023-2026 წლების შედეგების გრაფიკული ანალიზი) და ამ ბაზაზე დაფუძნებული მეცნიერულად დასაბუთებული ანალიტიკის გათვალისწინება  წვრთნისა და ნაკრების წევრების  შერჩევის პროცესში.
• ოფისის პოზიცია: გენერალური მდივნის განმარტებით, მიუხედავად აღნიშნული რეკომენდაციისა, ფედერაციის ოფისი გააგრძელებს ციფრული პლატფორმის დანერგვას, როგორც შიდა მონიტორინგის უალტერნატივო მექანიზმს.

3. ფედერაციის კომიტეტების თავმჯდომარეების დამტკიცება

გამგეობის სხდომამ დაამტკიცა:

მწვრთნელთა კომიტეტის თავმჯდომარედ: გიორგი გორდეზიანი,

მსაჯთა კომიტეტის თავმჯდომარედ:  ლადო ბოლქვაძე,

საშეჯიბრო-ტექნიკური კომიტეტის თავმჯდომარედ:  თამაზ ფუტკარაძე,

დისციპლინარული კომიტეტის თავმჯდომარედ:  მალხაზ მახარაშვილი

პარამშვილდოსნობის კომიტეტის თავმჯდომარე: ეკა აბაიშვილი

4. ფინანსური მართვა და აუდიტი

 სხდომაზე მოისმინეს ახლადდანიშნული ხაზინადარის, ლია ცირღულაძის ინფორმაცია. მომხსენებელმა აღნიშნა, რომ წინა ხაზინადარის მხრიდან არ მომხდარა ბუღალტერიის დადგენილი წესით გადაბარება. შექმნილი ვითარებიდან გამომდინარე, გამგეობამ მიიღო გადაწყვეტილება დამოუკიდებელი აუდიტის მოწვევის შესახებ, რომელიც შეისწავლის ფედერაციის ფინანსურ მდგომარეობას.

- გამგეობის სხდომამ დაამტკიცა მიღება-ჩაბარების კომისია შემდეგი შემადგენლობით: ბ.ობოლაძე (ხელმძღვანელი), გ.გორდეზიანი, ლ.მაჩაიძე, ა.სანიშვილი, ა.მეჟევიძე , ს.გორგოძე, ლ.ცირღილაძე.